Ի՞նչ անել, երբ սթրեսը քնի խանգարման պատճառ է դառնում

Անքնության պատճառներն, իրականում շատ են։ Հիմնական պատճառը, սակայն, սթրեսն է: Եվ որքան երկար են մարդիկ անքնությամբ տառապում, այնքան ավելի նյարդային են դառնում։ Բարեբախտաբար, գոյություն ունեն միջոցներ սթրեսների հետևանքով առաջացող անքնությունը հաղթահարելու համար։ Ձեր ուշադրությանն են ներկայացնում դրանցից մի քանիսը։

1. Պահպանեք քնի ժամանակացույցը

Քնի մասնագետները խորհուրդ են տալիս ամեն օր նույն ժամին քնել և արթնանալ, այդ թվում նաև հանգստյան օրերին: Այն կօգնի ձեզ ոչ միայն հեշտությամբ քուն մտնել, այլ նաև ավելի երկար և խորը քնով քնել։

2. Քնելուց անմիջապես առաջ հանգստացեք

Քնելուցանմիջապես առաջ որևէ հանգստացնող զբաղմունք գտեք ձեզ համար: Փորձեք գիրք կարդալ, երաժշտություն լսել, խաչբառ լուծել և այլն: Բժիշկ Լոուրենս Էպշտեյնը ասում է. «Մեր մարմինը ուզում է իմանալ, թե ինչ է լինելու հաջորդիվ»: Նրա կարծիքով քնի ձևավորված ծեսն օգնում է ավելի հեշտ քուն մտնել։

3. Խուսափեք էկրաններից

Եթե արթնանում եք գիշերվա կեսին, խուսափեք բջջային հեռախոսը վերցնելուց: Ձեր հեռախոսի լույսը ձեր ուղեղին արթնանալու և արթուն մնալու ազդանշան է տալիս: Բացի այդ, հեռախոսի շնորհիվ դուք կհայտնվեք սոցիալական ցանցերում կամ կսկսեք խաղ խաղալ, ինչի պատճառով ավելի երկար արթուն կմնաք:

4. Մի կենտրոնացեք սթրեսի վրա

Սթրեսի և լարվածության վրա շարունակ կենտրոնանալը ձեզ չի օգնի: Կարևոր է միջոցներ գտնել ուղեղը հանգստացնելու և միտքը սթրեսից շեղելու համար:

5. Մի փոքր շարժվեք

Եթե դուք անհանգիստ եք և անվերջ պտտվում եք անկողնում, ապա վեր կացեք և մի փոքր քայլեք։ Փորձեք մի բաժակ ջուր կամ թեյ խմել և վերադառնալ անկողին: Կարևորն այն է, որ մի քանի րոպեով թողեք ձեր անկողինը, ազատվեք սթրեսի զգացողությունից և ինքներդ ձեզ համար հաճելի բան անեք: Հուսանք, որ դա բավարար կլինի կրկին քուն մտնելու համար։