Վաղ նշաններ, որոնք կօգնեն առանց թեստի հաստատել հղիությունը

Յուրաքանչյուր կնոջ համար հղիությունը հուզիչ, բայցև սթրեսային շրջան է։ Ուստի, հղիության վաղ նշանների մասին բավարար տեղեկատվության առկայությունը շատ կարևոր է:

Ուշացած դաշտանային ցիկլ

Հղիության ամենատարածված նշանն, իհարկե, ուշացած դաշտանային ցիկլն է: Սակայն պետք է հաշվի առնել, որ դաշտանային ցիկլը կարող է ուշանալ նաև այլ պատճառներով, ինչպիսիք են քաշի կորուստը կամ ձեռքբերումը, հորմոնալ փոփոխությունները, հիվանդությունները և սթրեսը: Հետևաբար, միայն այս նշանով առաջնորդվելով՝ անհնար է միանշանակ հաստատել հղիությունը: Եթե ձեր դաշտանային ցիկլն ուշացել է մեկ շաբաթ կամ ավելին, ապա անհրաժեշտ է հղիության թեստ անել:

Կրծքերի ձևի և չափի փոփոխություններ

Բազմաթիվ կանանց համար կրծքերի փոփոխությունները հղիության ամենավաղ նշաններից են: Հղիության ընթացքում հորմոնների մակարդակն օրգանիզմում անդադար տատանվում է, ինչն էլ տարբեր ֆիզիկական փոփոխություններ է առաջացնում:

Հաճախակի այցեր լոգասենյակ

Եթե հղիության վաղ փուլում եք, ապա պատրաստ եղեք հաճախակի այցերին լոգասենյակ:

Սրտխառնոց

Շատ կանանց մոտ սրտխառնոցը հղիության առաջին շրջանի պարտադիր նշաններից է: Ընդ որում, ոմանց մոտ այն չի սահմանափակվում միայն առավոտյան ժամերով, այլ շարունակվում է ողջ օրվա ընթացքում:

Հոգնածության զգացում

Հղիության վաղ փուլում կնոջ օրգանիզմում բարձրանում է պրոգեստերոն հորմոնի մակարդակը, ինչն էլ անսովոր հոգնածության զգացում է առաջացնում: Միևնույն ժամանակ, արյան ճնշման տատանումները ևս նպաստում են հոգնածության առաջացմանը:

Աղբյուր՝ Flo