6 կարևոր պարագաներ՝ ձեր շպարի պայուսակում

Կոսմետիկ միջոցներ շատ կան, և շատ դժվար է կողմնորոշվել, թե ինչի վրա է պետք ծախսել ձեր աշխատավարձը։ Այդ իսկ պատճառով մենք հավաքել ենք այն 6 միջոցները, որոնք մեր կարծիքով յուրաքանչյուր աղջիկ անպայման պետք է ունենա իր շպարի պայուսակում։

Այտերի կարմրաներկ

Այտերի կարմրաներկը կարծես վերջնական տեսք է հաղորդում ձեր դիմահարդարմանը։ Լինի այն վարդագույն, ծիրանագույն, գել, հեղուկ թե փոշի, ոչինչ այնքան գեղեցիկ չի նայվում դեմքին, որքան կարմրաներկը։

Քողարկիչ (Concealer)

Եթե ձեր մաշկի վրա գտել եք սև շրջաններ, կնճիռներ, կարմրություն և այլ թերություններ, ժամանակն է, որ դառնաք ավելի պրոֆեսիոնալ այդ թերությունները քողարկելու մեջ։ Դարձրե՛ք քողարկիչը ձեր դիմահարդարման լավագույն ընկերը։ Ոչինչ չի կարող այս միջոցից ավելի լավ թաքցնել ձեր թերությունները։

Կարմիր շրթներկ

Բոլոր աղջիկների շպարի պայուսակում պետք է լինի կարմիր շրթներկ երկու պատճառով՝ 1) այն ձեզ ավելի ինքնավստահ կդարձնի և 2) այն շատ լավ է նայվում ցանկացած հանդերձանքով։

Չոր շամպուն

Երբ ժամանակը սուղ է լինում, կարող եք չհասցնել մազերը լվանալ։ Այդ պատճառով գնե՛ք հատուկ չոր շամպուններ։ Հատուկ փոշին, որը ներծծում է յուղը, կեղտը, թեփոտումը և անցկացնում է հոտը, մաքրում է ձեր գլուխը, առանց նույնիսկ այն թրջելու։

 

Դեմքի անձեռոցիկներ

Դիմահարդարված քնելը շատ վատ է ձեր մաշկի համար։ Այդ իսկ պատճառով, եթե շատ հոգնած եք լինում և չեք ցանկանում լվացվել, գնե՛ք այս անձեռոցիկները, որոնք միանգամից մաքրում են ողջ դիմահարդարումը։

Արևապաշտպան քսուք

Այն շատ լավ կպաշտպանի ձեր մաշկը արևի վտանգավոր ճառագայթներից։