3 ամենահեշտ տնային դիմակները, որոնք կդարձնեն ձեր դեմքը պայծառ և փայլուն
Փայլուն և հարթ երես ունենալու համար այլևս պետք չէ ամեն օր վազել դեղատուն կամ հատուկ մասնագիտացված խանութ: Այժմ դուք ինքներդ կարող եք պատրաստել ամենաօգտակար բուժիչ դիմակները:
«Marie Claire» պարբերականը ներկայացրել է այս դիմակների պարզ բաղադրիչները:
Ավոկադո, կակաո, մեղր
Այս դիմակի 3 բաղադրիչներն էլ լիովին օգտակար են մաշկի համար: Ավոկադոն խոնավացնող հատկություն ունի, կակաոն մաշկը հանգստացնող հակաօքսիդիչ է, իսկ մեղրը հակաբակտերիալ և հակաբորբոքային է:
Ավոկադոյի մեկ քառորդ մասը մանրացնել ամանի մեջ: Ավելացնել 1 ճ.գ կակաո և 1 ճ.գ. մեղր և լավ խառնել: Դիմակը տարածել մաքուր և չոր երեսի վրա: Թողնել 10 րոպե: Լվանալ տաք ջրով:
Բանանով օրգանական դիմակ
Դեմքի արևադարձային այս դիմակը կտա ձեր մաշկին բնական առողջ տեսք և փայլ: Այն նախատեսված է մաշկի բոլոր տեսակների համար:
Բանանի կեսը մանրացնել: Ավելացնել 1 ճ.գ. նարնջի հյութ և 1 ճ.գ. մեղր: Դիմակը տարածել դեմքին և թողնել 15 րոպե: Լվանալ գոլ ջրով:
Դիմակ – նախաճաշ
Նախաճաշի վրա հիմնված այս դիմակն օգնում է հանգստացնել և խնամել յուղոտ մաշկը:
Խառնել 1 ձվի դեղնուց, 1 ճ.գ. մեղր, 1 ճ. գ. ձիթապտղի յուղ և կես բաժակ վարսակի ալյուր:
Դիմակը տարածել դեմքին և թողնել 15-20 րոպե: Լվանալ գոլ ջրով:
