2019 թվականի ամռան մատնահարդարման գլխավոր միտումները

Նորաձևություն -

Մարմնագույն կամ կարմիր մատնահարդարումը հիանալի տարբերակ կարող է լինել ձմռան և աշնան համար, սակայն ամռանը կարող եք ձեզ թույլ տալ արևային և զվարճալի մատնահարդարում։ Ստորև ներկայացնում ենք մատնահարդարման գլխավոր միտումները, որոնք միանշանակ կարող եք օգտագործել այս ամառ։

  1. «Ծիածան» մատնահարդարում

Ինչու՞ ընտրել մեկ գույն, եթե հնարավոր է օգտագործել միանգամից մի քանիսը։ Գույները կարող են լինել պաստելային երանգների մեջ, որպեսզի մատները նուրբ տեսք ունենան։ Այս միտումը մեծ տարածում է գտել ամբողջ ինստագրամյան տիրույթում։

  1. Նշաձև եղունգներ

Այս տարվա առաջնային միտում են համարվում նշաձև եղունգները, որոնք տեսողականորեն երկարացնում են մատները։

  1. Վառ դեղին և կիտրոններով մատնահարդարում

Մատնահարդարումը ավելի հետաքրքիր և ամառային կարող եք դարձնել՝ ավելացնելով կիտրոնների պատկերներ։

  1. «Օմբրե» մատնահարդարում

Մատնահարդարները այս ամառ առաջարկում են «օմբրե» մատնահարդարման տեսակը, որը ձեր կերպարը լիարժեք կդարձնի։

  1. «Լոգոտիպ»-ով մատնահարդարում

Լոգոտիպով մատնահարդարումը նոր միտում է մատնահարդարման ոլորտում։ Գլխավորը այն է, որ այն արված լինի նուրբ պաստելային գույներով։

  1. «Մինիմալիստական» մատնահարդարում

Եթե վառ մատնահարդարման սիրահար չեք, ապա այս տարբերակը հիանալի կլինի ձեզ համար։

  1. Երկու երանգով մատնահարդարում

Նորաձև դարձած այս ոճը հիանալի տարբերակ է երեկույթների համար։ Կարող եք համադրել ցանկացած երկու գույն, որոնք, ըստ ձեզ, միասին գեղեցիկ կնայվեն։ Բաց գույների համադրությունը մատներն ավելի կանացի է դարձնում։