2019 թվականի ամառային հանգստի ամենամատչելի ուղղությունները

Մեզնից շատերն արդեն սկսել են պլանավորել իրենց ամառային հանգիստը: Եթե երազում եք ձեր հանգիստը հեքիաթային Հունաստանում անցկացնելու մասին, ապա հունական Պելոպոնես թերակղզու Կալամատա քաղաքը հենց ձեզ համար է: Այս տարի Կալամատայի ավիատոմսերի և հյուրանոցների գները նախորդ տարվա համեմատ նվազել են 36 տոկոսով:

Կալամատա քաղաք

Մայրաքաղաք Աթենքից ընդամենը 225 կմ հեռավորության վրա գտնվելով՝ Կալամատան հիանալի հնարավորություն է հունական մշակույթին ծանոթանալու համար: Կարող եք այցելել Հին քաղաք, շրջել ամրոցներով և հանգստանալ մայթուղիների երկայնքով ձգվող սրճարաններում: Իսկ քաղաքում գտնվող նավահանգիստը թույլ կտա բացահայտել Պելոպոնեսի տեսարժան վայրերը:

Քաղաք Կալամատա

Եթե երկարաժամկետ ճանապարհորդություն եք ծրագրում, ապա նշենք, որ, օրինակ, Բուենոս Այրեսում հյուրանոցների գները նվազել են մոտ 30 տոկոսով:

Բուենոս Այրես

Ամառային հանգստի մատչելի ուղղություններից են նաև իսպանական Վալենսիայի Ալիկանտե և Մարոկկոյի Մարաքեշ քաղաքները:

Ալիկանտե, Վալենսիա
Մարաքեշ, Մարոկկո

Ամենամատչելի ուղղությունների առաջին տասնյակում են նաև Պորտուգալիայի Ֆարո նավահանգստային քաղաքը, Խորվաթիայի Զադար քաղաքը և իսպանական Անդալուսիայի մայրաքաղաք Սևիլիան:

Ֆարո, Պորտուգալիա
Զադար, Խորվաթիա

Աղբյուր՝ cosmopolitan .com