Ինչու՞ Քենդալ Ջեններն այս տարի չի մասնակցի «Victoria’s Secret» նորաձևության տան շոուին

Ըստ շրջանառվող տեղեկությունների՝ Քենդալ Ջեններն այս տարի չի մասնակցելու «Victoria’s Secret»-ի հայտնի ամենամյա սպասվող իրադարձությանը։ Մոդելը կնքել է պայմանագիր «Լա Պերլա» ներքնազգեստերի ապրանքանիշի հետ։
21-ամյա աստղն իր կյանքի ամենամեծ երազանքներից մեկը կատարեց 2015-ին և այնուհետև 2016-ին՝ դառնալով շոուի «հրեշտակներից» մեկը։ Բոլոր մոդելներն, ովքեր այս տարի ներկայանալու են շոուին, արդեն հաստատել են իրենց մասնակցությունը, սակայն ցուցակում չի եղել Քենդալի անունը, ինչից և պարզ է դարձել, որ նա չի մասնակցելու։
Երբ սկսվել էր «Victoria’s Secret»-ի ընտրությունների փուլը, Քենդալն արդեն տվել էր իր համաձայնությունը «Լա Պերլա» ապրանքանիշին վերջիններիս գլխավոր դեմքը դառնալու համար։ Պայմանագիրը իր մեջ ներառում է արգելող դրույթ, ինչը նշանակում է, որ «Victoria’s Secret» -ի ապրանանքանիշի հետ մոդելն իրավունք չունի համագործակցելու, քանի որ այն համարվում է մրցակից ընկերություն։
Ինչևէ, երկրպագուները շատ չեն տխրի, քանի որ իրենց շատ ուրիշ սիրելի մոդելներ ինչպիսիք են օրինակ՝ Ջիջի և Բելլա Հադիդները, Ադրիանա Լիման, Վիննի Հարլոուն կմասնակցեն շոուին։