Գաղտնիք չէ, որ ճանապարհորդություններից մեր մաշկը տուժում է։ Անկախ նրանից՝ թռիչքը երկար է, թե կարճ, մեր մաշկը կարող է խիստ չորանալ՝  օդանավի սրահի ճնշման և օդի վերամշակման հետևանքով։

«Daily Mail» պարբերականը առաջարկում է 3 հեշտ եղանակ մաշկի ջրազրկումը կանխելու և թռիչքից հետո թարմ տեսք ունենալու համար։

1. Մաքրեք դիմահրադարումը

Առաջին հերթին անհրաժեշտ է հեռացնել դիմահարդարումը և մաքրել մաշկը։ Նվազագույն դիմահարդարումը կամ ընդհանրապես չդիմահարդարվելը կօգնի խուսափել ծակոտիների խցանումից։

2. Շիճուկ օգտագործեք

Հաջորդ քայլը շիճուկ կիրառելն է: Սա կօգնի, որ ակտիվ բաղադրիչները ներթափանցեն մաշկ և ապահովեն խոնավությունը թռիչքի ժամանակ:

Օգտագործեք հակաօքսիդիչ հակաբորբոքային շիճուկ նախքան ձեր խոնավացնող հեղուկը կիրառելը՝ շրջակա միջավայրի վնասներից պաշտպանվելու համար։

Փնտրեք վիտամին B3 և վիտամին C պարունակող շիճուկներ։

3. Խոնավացրեք մաշկը մի քանի ժամը մեկ

Թռիչքի ընթացքում պարբերաբար օգտագործեք խոնավացնող նյութ, երբ զգում եք, որ Ձեր մաշկը չորանում է: Սա վերաբերում է դեմքին և ձեռքերին: Սակայն խուսափեք հաճախակի դեմքին դիպչելուց՝ մանրէներից զերծ մնալու համար։