Տոնային քսուք ընտրելու 5 լավ խորհուրդ
Դեմքի տոնային քսուքը իսկական հրաշքներ կարող է գործել։ Այն հարթեցնում է մաշկի երանգը, մաշկը դարձնում ավելի պայծառ, թաքցնում մաշկի փոքր թերությունները և կնճիռները՝ դեմքին տալով առողջ տեսք։ Եթե ուզում եք, որ տոնային քսուքը տա նշված արդյունքները, պետք է ընտրեք այն երանգը, որն իսկապես համապատասխանում է Ձեր մաշկի գույնին։
Ծերացող մաշկ
Եթե ցանկանում եք թաքցնել կնճիռներն ու մաշկին թարմ և պայծառ տեսք հաղորդել, դիմահարդարները խորհուրդ են տալիս ընտրել այն տոնային քսուքը, որն ունի փափկեցնող և ձգող ազդեցություն։ Քսուքը ընտրելիս պետք է ուշադրություն դարձնել դրա բաղադրությանը։ Այն պետք է պարունակի A, B և C վիտամիններ։
Սովորական մաշկ
Եթե Դուք ունեք սովորական մաշկ, ապա պետք է ընտրել այն տոնային քսուքը, որը պարունակում է վիտամիններ և հանքանյութեր։
Չոր մաշկ
Դիմահարդարները խորհուրդ են տալիս ընտրել տոնային քսուք, որը չունի դիմափոշու ազդեցություն։ Այն պետք է պարունակի E և A վիտամիններ և հիալուրոնային թթու։
Յուղոտ մաշկ
Յուղոտ մաշկ ունեցող կանանց հավերժական խնդիրը չափազանց յուղոտ փայլն է դեմքի վրա։ Դիմահարդարները խորհուրդ են տալիս ընտրել այնպիսի տոնային քսուք, որն ունի վառ արտահայտված մածուցիկ ազդեցություն։ Ընտրե՛ք այն տոնային քսուքը, որը չի պարունակում յուղեր։
Կոմբինացված մաշկ
Կոմբինացված մաշկ ունեցողները պետք է ուշադրություն դարձնեն տոնային քսուքի բաղադրությանը։ Այն անպայման պետք է պարունակի յուղեր։ Պետք չէ դրանից վախենալ․ յուղերը բարձրացնում են մաշկի խնդրահարույց մասերի յուղայնությունը և կանխում թեփոտումը։
Աղբյուրը՝ ivona.bigmir.net
