Վերարկուներ՝ աշնանն ընդառաջ
Արդյո՞ք աշնան զգեստապահարանի մասին մտածելու ժամանակը չէ։ «Grazia» պարբերականը ներկայացրել է այս աշնան վերարկուների նորաձևության միտումները։
Հովազի նախշ
Եթե Դուք երբեք հովազի նախշով որևէ իր չեք ունեցել, թերևս փորձելու ժամանակն է: Վերարկուն կարող է լինել արհեստական մորթուց (եթե կարճ է) կամ հովազանախշ բրդից: Պատկերը պետք է առավելագույնս հստակ լինի:
Վանդակավոր վերարկուներ
Վանդակավոր հագուստների միտումն աստիճանաբար նվազում է։ Այդուհանդերձ, վանդակավոր վերարկուները շատ ակտուալ կլինեն այս աշնանը։ Առավել նորաձև են մեծ չափսի (oversize) և գունավոր վանդակներով վերարկուները։
Փայլուն վերարկուներ
Խոսքը հիմնականում վերաբերում է արհեստական լաքապատ կաշվից վերարկուներին։ Ավելի նորաոճ կլինի դրանք համադրել ուսապարկերի կամ մեծ պայուսակների հետ։
Դասական բեժ
Բեժը միշտ նորաոճ է։ Պարզապես պետք է ուշադիր լինել, որպեսզի այն համապատասխանի Ձեր մաշկի երանգին։
Մոխրագույն վերարկու
Եթե դեռևս վերարկու չունեք, սկսե՛ք մոխրագույնից։ Նորաոճ են բրդյա և մինիմալիստական ոճի մոխրագույն վերարկուները։
