Վարժություններ, որոնք կձգեն փորի մկանները
Հաջորդ անգամ մարզասրահ գնալիս փորձեք փոխել ձեր սովորական «abs» մարզումները` դարձնելով դրանք ավելի արդյունավետ։ Եթե փորձում եք որովայնային հատվածն ավելի ուժեղացնել, ապա վարժությունների ընթացքում պետք է հրաժարվեք մարզագնդերից։ Այս մասին մեզ տեղեկացնում է «Women’s Health» պարբերականը։
Պարբերականն առաջարկում է շաբաթը մեկ անգամ կատարել հետևյալ 4 վարժությունները և յուրաքանչյուրը կրկնել 4 անգամ։
Կախված Քրանչ
Եթե պլանավորում եք մարզել ձեր որովայնի մկաններն, ապա այս վարժությունն ուղղակի օդ ու ջրի պես անհրաժեշտ է։ Սա արտաքին և ներքին թեքումների ժամանակ հիասքանչ միջոց է ուժ և հավասարակշռություն ձևավորելու համար։ Այս վարժությունն իրականացնելու համար անհրաժեշտ է ֆիթնեսի սարքավորմանն ամրացնել որովայնային վարժությունների համար նախատեսված պարան: Դա անելուց հետո մտցրեք ձեր ձեռքերն այդ պարանի մեջ և բռնեք դրա վերին հատվածից։ Պարանից կախվեք ոտքերը ուղիղ և միասին, այնուհետև ծալեք ոտքերը մոտեցնելով դրանք ստամոքսի հատվածին։
Կախված Աջ և Ձախ Թեքումով Քրանչեր
Այս վարժությունը կարող է ամրացնել ձեր մարմնի կողային հատվածներն, ինչպես նաև որովայնային մկաններին կարող է շլացուցիչ տեսք հաղորդել։ Այն կատարելու համար դուք պետք է սկսեք վերը նշված կախված քրանչ դիրքից։ Ծալեք ձեր ոտքերը և թեքեք դրանք կրծքավանդակի ուղղությամբ։ Այս պրոցեսի ընթացքում թեքեք ձեր իրանը և այդ դիրքով մնացեք մի րոպե։ Կրկնեք վարժությունը, կատարելով այն աջ և ձախ հատվածների համար։
Կախված Լ-աձև Կքանիստ
Այս վարժությունը ոչ միայն կօգնի որովայնի մկաններն ավելի ամրացնել, այլև կօգնի ձեզ զարգացնել քառագագաթ մկանը և կավելացնի ծնկատակի ջլի ճկունությունը։ Որպես հիշեցում նշենք, որ անպայման վարժությունը սկսեք կախված քրանչ դիրքից, այնուհետև բարձրացրեք ոտքերը և հավասարեցրեք գոտկատեղին, այնպես որ Լ տառը ստացվի, և այդ դիրքով մնացեք մի րոպե։
