Վազքը չի խթանում քաշի կորուստը

Շատերը սխալմամբ կարծում են, որ վազքը միանշանակ օգնում է նիհարել: Սակայն միշտ չէ, որ այն դրական ազդեցություն է ունենում։ Ներկայացնում ենք չորս տարածված սխալ, որոնք մարդիկ թույլ են տալիս վազքի ընթացքում, ինչն էլ խանգարում է նիհարելուն։

  1. Դուք միշտ նույն կերպ եք վազում:

Եթե դուք ամենօր կատարում եք միևնույն վարժությունները, ապա ձեր օրգանիզմը սկսում է հարմարվել դրանց, իսկ կալորիաներն ավելի դանդաղ են այրվում: Հետազոտությունները ցույց են տալիս, որ միջին արագությամբ վազքը օգնում է քաշի կորստին միայն սկզբնական շրջանում։ Այնուհետև պետք է ավելի մեծ ջանք գործադրել՝ միաժամանակ նվազեցնելով կալորիաների քանակը:

  1. Դուք ավելի երկար եք վազում, բայց ոչ ավելի արագ:

Ավելորդ կալորիաներն այրելու և քաշը նվազեցնելու համար անհրաժեշտ է անընդհատ մեծացնել վարժությունների ինտենսիվությունը: Ավելի օգտակար է վազել քիչ, բայց արագ։

  1. Այլ վարժություններ չեք կատարում:

Քաշի կորուստը պահանջում է որոշակի ռազմավարություն, հետևաբար, անհրաժեշտ է աշխատացնել բոլոր մկանները: Պետք է վազքը համատեղել տարբեր վարժությունների հետ։

  1. Չափազանց շատ եք վազում:

Որքան էլ որ տարօրինակ հնչի, սա իսկապես մեծ դեր է խաղում նիհարեցման գործընթացում։ Չափից շատ սպորտով զբաղվելու ընթացքում օրգանիզմում սթրեսի  հորմոն է արտադրվում, ինչն էլ կասեցնում է ինսուլինի արտադրությունը. արդյունքում որովայնի հատվածում ավելորդ ճարպ է կուտակվում:

Աղբյուր՝ glamour.ru