Դոլչե Գաբբանայի դիզայներ՝ Ստեֆանո Գաբբանան «տգեղ» է կոչել Սելենա Գոմեսին

Ինչպես հայտնում է «Cosmopolitan» ամսագիրը, Ստեֆանո Գաբբանան Սելենա Գոմեսին «տգեղ» է անվանել:

Իր ինստագրամյան էջում «thecatwalkitalia»-ն հրապարակել է Սելենա Գոմեսի նկարը հինգ տարբեր կարմիր զգեստերով՝ գրելով, որ Սելենան շլացուցիչ տեսք ունի:

Հետևյալ հրապարակման տակ Ստեֆանո Գաբբանան մեկնաբանություն է գրել, որում ասել է «È proprio brutta!», ինչն էլ իտալերենից թարգմանաբար նշանակում է «շատ տգեղ է»:

Մեկ ուրիշ ինստագրամյան օգտատեր պատասխանել է դիզայներին, ասելով թե Սելենան նման է շպից շների ցեղատեսակին։

Ստեֆանոն պատասանել է օգտատիրոջը, որ դա ճիշտ է. «hahahahahaha is true hahahah»:

Դիզայները հայտնի է աստղերի մասին իր բացասական մեկնաբանություններով: Նա վիճաբանություն է ունեցել Մայլի Սայրուսի և նրա եղբոր Բրեյսոն Սայրուսի հետ:  Ստեֆանոն նաև գռեհիկ արտահատություն է արել Քեյթ Մոսի վերաբրյալ:

Դիզայների մեկնաբանությունները շատ են զայրացրել Սելենայի երկրպագուներին, և նրանք սկսել են զանգվածային կերպով պատասխանել նրան:

Սակայն  Ստեֆանո Գաբբանան այդպես էլ ներողություն չի խնդրել Սելենայից՝  շարունակելով խոսել նրա մասին հեգնական տոնով: