Պրիանկա Չոպրան կիսվել է, թե ինչպիսինն է լինելու իր հարսանեկան ոճը
Բոլլիվուդյան սիրված դերասանուհի Պրանկա Չոպրան, ով մոտ ապագայում պատրաստվում է ամուսնանալ Հոլլիվուդյան հայտնի երգիչ Նիք Ջոնասի հետ, արդեն գիտի, թե ինչ ոճի մեջ է լինելու իր հարսանիքին: Նա Entertainment Tonight ժամանցային պարբերականին տված հարցազրույցի ժամանակ նշել է, թե ինչպես է պատկերացնում իր հարսանյաց զգեստը:
Ամենայն հավանականությամբ նա կկրի Michael Kors-ի զամշե կապտավուն զգեստ։ Շատերը մտածում են, որ նա կփոխի գունային գամման, սակայն դերասանուհին խոստանում է հավատարիմ մնալ իր անձնական ոճին։
«Ես միշտ մտածել եմ, որ այն ամենը ինչ ես կրում եմ պետք է լինի հարմարավետ և գեղեցիկ»,- ասել է Չոպրան։ «Այնպես որ, հարսանյաց զգեստս նույնպես կլինի հարմար և գեղեցիկ»։
Մայքլ Կորսը նույնպես խոսել է այս թեմայի շուրջ՝ ասելով, որ չի հիասթափեցնի դերասանուհուն։ «Պրիանկան խելացի է, տաղանդավոր և գեղեցիկ և գիտի, թե ինչն է սազում նրան։ Ես գիտեմ, որ նա ամենալավ տեսքը կունենա իր հարսանիքի օրը»,- ասել է դիզայները։
Հարսանյաց զգեստը կարող էր նույնիսկ արտացոլել արևելյան և արևմտյան ոճերի մի խառնուրդը, քանի որ զույգը ցանկանում է հարսանիքն անցկացնել երկու կողմերի մշակույթերի համաձայն։
