Ո՞րն է ձեր մաշկի իրական տոնը

Երբեմն դժվար է գտնել  մաշկին համապատասխանող  տոնային քսուքը։ Շատ հաճախ ժամեր եք անցկացնում, որպեսզի վերջապես գտնեք այն, իսկ կիրառելուց հետո հասկանում եք, որ այն չի համապատասխանում ձեզ:

Երբեմն կարող եք օգտագործել գեղեցիկ շրթներկ և հետո հասկանալ, որ ինչ-ինչ պատճառներով այն գեղեցիկ չի նայվում ձեր վրա:

Ստորև բերված խորհուրդներով դուք կկարողանաք որոշել ձեր իրական մաշկի տոնը, և դա կօգնի ձեզ գտնել ձեր դեմքին համապատասխանող տոնային քսուկը։

Ձեր մաշկի տոնը կարող է լինել տաք, սառը  և չեզոք:

Ստորև նշված են  քայլեր որոնք անելուց հետո դուք կպարզեք ձեր մաշկի ճշգրիտ տոնը։

1) Փորձեք գտնել բնական լույս: Նստեք պատուհանի դիմաց կամ կարող եք նույնիսկ  դուրս գնալ։

Բնական լույսը կօգնի ձեզ տեսնել իրական գույնը, քանի որ երբեմն արհեստական ​​լույսը կարող է փոխել այն:

2) Նայեք Ձեր դաստակների երակներին։

*Եթե ​​տեսնեք կապույտ կամ մանուշակագույն երակներ, ապա դա նշանակում է, որ դուք ունեք սառը տոն։

*Եթե ​​տեսնում եք կանաչ երակներ, ապա նշանակում է, որ ձեր մաշկի տոնը տաք է։

* Իսկ  եթե չեք կարողանում որոշել,  արդյոք ձեր երակները կանաչ են թե կապույտ, ապա դուք ունեք մաշկի չեզոք տոն։

3) Կրեք Ձեր ձեռքին  ոսկե եւ արծաթյա զարդեր որպեսզի տեսնեք թե որն է ձեզ առավել համապատասխանում:

Եթե ​​արծաթյա զարդն է ավելի գեղեցիկ ձեր մաշկի վրա, ապա դուք ունեք սառը տոն:

Եթե ​​ոսկե զարդն է  առավել գեղեցիկ նայվում  ձեր մաշկի վրա, նշանակում է, որ դուք ունեք տաք տոն։

Իսկ Եթե  և ՛ ​​ոսկե և ՛ արծաթյա  զարդերը հավասարապես  համապատասխանում են ձեր մաշկին, ապա  դուք ունեք չեզոք տոն։

Հիշե ՛ք

Սառը  մաշկի տոնն ունի վարդագույն երանգ, ջերմն ունի դեղնավուն երանգ, իսկ չեզոք մաշկի տոնայնությունը կարող է ունենալ և ՛վարդագույն և ՛ դեղնավուն ենթատոներ։

Դրա հիման վրա կարող եք ընտրել ձեր դեմքի տոնային քսուքը, քանզի շատ քսուքներ լինում են կամ վարդագույն կամ դեղնավուն երանգներով, կամ էլ պարունակում են իրենց մեջ երկուսն էլ։