«Fashion Campus»․ նորաձևության ցուցադրություն Հայաստանում

Сlassy.am կայքը հունիսի 30-ին հյուրընկալվել էր «The Alexander» հյուրանոց, որտեղ տեղի էր ունենում «Fashion Campus» նորաձևության դպրոցի շրջանավարտների ավարտական աշխատանքների ցուցադրությունը։

 

 

Միջոցառումը կազմակերպված էր գեղեցիկ և նորաոճ։ Ցուցադրությունը վարում էր Վաչե Թովմասյանը, երաժշտական մասն ապահովում էր DJ Alen Hertz-ը: «Fashion Campus» նորաձևության դպրոցը հիմնադրվել է 2014թ-ին: Մինչ օրս դպրոցում ուսանել է շուրջ 300 աշակերտ, որոնցից շատերն արդեն ունեն իրենց ուրույն տեղը նորաձևության ոլորտում: Շատ կարճ ժամանակահատվածում դպրոցը գրանցել է բազմաթիվ հաջողություններ․ 2015թ.-ին «Fashion Campus» -ը պայմանագրեր է կնքել իտալական «Istituto Marangoni և Milan Fashion Campus» նորաձևության դպրոցների հետ։ Սկսվել է երկկողմ համագործակցություն, որը դպրոցի շրջանավարտներին հնարավորություն է տալիս շարունակել ուսումն Իտալիայում:

2017թ. ապրիլ ամսին «Fashion Campus» -ը նաև պայմանագիր է կնքել «Istituto Europeo di Design» համալսարանի հետ, որը հնարավորություն կտա շրջանավարտներին ուսումը շարունակել ոչ միայն Իտալիայում, այլև եվրոպական այլ երկրներում, ինչպես նաև՝ Բրազիլիայում: Դպրոցը կազմակերպում է 10-14 տարեկան աղջիկների համար նախատեսված հատուկ կարուձևի, բատիկ արվեստի, ինչպես նաև կոմպոզիցիայի դասընթացներ, որոնց ընթացքում աղջիկները հնարավորություն են ունենում ստեղծել իրենց պատկերացրած հագուստն ու կրել այն: «Fashion Campus»-ը կազմակերպում է նաև հատուկ ոճաբանության և նորաձևության պատմության դասընթացներ՝ անգլերեն լեզվով, որը օգտակար է այն ուսանողների համար, ովքեր դպրոցն ավարտելուց հետո ցանկություն ունեն մեկնել Եվրոպա՝ շարունակելու ուսումը: Նորաձևության դպրոցի հիմնադիրն է Իրինա Խարատյանը։