Ինչու են մոխրագույնն ու դեղինը 2021-ի լավագույն ստվերային գույներն՝ ըստ Pantone-ի

Ընտրվել են հաջորդ սեզոնի հիմնական բազային գույները: Կպատմենք, թե ինչպես և ինչու են «պայծառ արևի գույնն» ու «ուժի գույնը» նորաձևության այս տարվա կանխատեսումներում հայտնվել։
Եվ այժմ, արդեն պաշտոնական՝ «Պանտոն» գույների ինստիտուտը (ի դեպ երկու ղեկավար կանայք) հայտարարել է 2021-ի բազային երանգները․ այս անգամ դրանք երկուսն են։ Մոխրագույն (Ultimate Grey) և դեղին (Illuminating) դուետն արդեն հայտնվել է Prada, Jacquemus, Gucci, Balmain և Givenchy հայտնի հավաքածուներում՝ 2021-ի գարուն-ամառ սեզոնի համար:

Հասկանալու համար, թե հեղինակներն ինչ իմաստ և նշանակություն են դրել այս համադրության մեջ, Vogue Russia-ն զրուցել է Pantone-ի ղեկավար բաժնի աշխատակցի հետ։

Ինչպե՞ս է Pantone-ը որոշում, թե որ գույնն է լինելու տարվա հաջորդ երանգը։Եթե ​​կարծում եք, որ տարվա գույնն ընտրվում է ինչ-որ միստիկ կախարդանքի շնորհիվ, ապա մոռացեք դրա մասին:
«Մեզ համար միշտ էլ կարևոր է, որ մարդիկ չմտածեն, թե մենք կախարդական փայտիկով կռահում ենք», – ասում է Pantone ինստիտուտի փոխնախագահ Լորրի Պրեսմանը: – Սա մի մեծ գործընթաց է, որը ներառում է բազմաթիվ հետազոտումներ, քննարկումներ և հիմնված է մի շարք գործոնների վրա: Վերջնական ընտրությունը երկարատև, քրտնաջան աշխատանքի արդյունք է: Կարևոր է ոչ միայն ընտրել տարվա գույնը, այլ նաև այլ ստվերներերի երանգներ առաջարկել մեր կազմած ցուցակից։»

Ինչու՞ է 2021-ը հայտնի լինելու երկու գույնով

Պետք է նշել, որ Pantone-նն առաջին անգամը չէ, որ ընտրում է միանգամից երկու «տարվա գույներ»: Նախորդ տանդեմը ՝ Pantone 15-3919 Serenity-ի և Pantone 13-1520 Rose Quartz-ի երանգներն են 2016 թվ․-ին թրենդային եղել։ Բայց 2020-ը, ինչպես գիտեք, ինչքան առանձնահատուկ ու տարօրինակ տարի էր։
«Փոփոխություններն ազդել են կյանքի տարբեր ոլորտների վրա: Տարին մեծ ազդեցություն ունեցավ մարդկանց շփման, ճանապարհորդելու վրա․ շատ բան ենք վերաիմաստավորել ՝ գիտակցելով, թե իրականում ինչն է կարևոր: Մեր առաջնահերթությունները քանակականից դարձան որակական, կյանքը հարմարվեց ստեղծված հանգամանքներին, դանդաղեց, առաջին պլան մղվեց գրեթե ամեն ինչի տեղական արտադրանքը», – ասում է նա:

Ի՞նչ է խորհրդանշում մոխրագույնի և դեղինի համադրությունը։

«Ultimate Grey (Pantone 17-5104) ուժի և ամրության մարմնավորումն է», – ասում է Էյզմանը: – Եթե մենք այն կապենք բնության հետ, ապա դա խճաքարային լողափի գույնն է, լեռների գույնը, որոնք մեր կողքին են միլիոնավոր տարիներ և մտադիր չեն ոչ մի տեղ անհետանալ մոտ ապագայում: Մոխրագույն նշանակում է քաջություն, հենարան ուս՝ հենվելու համար․մեկը, ով միշտ պատրաստ է աջակցել, օգնել քեզ»:

Լուսավոր, բաց դեղինը (Pantone 13-0647) – սա Պրադայի 2021 թվականի գարուն-ամառ նորաձևության ուղու գույնն էր: Պայծառ-դեղին ՝ ինչպես արևի լույսն է։ «Մարդկանց մեծ մասի համար դեղին գույնը դեռ մանկուց խորհրդանշում է հույս, ուրախություն, մի բան, որին դու անհամբեր սպասում ես:
Այն լավատեսություն է ներշնչում, որն անհրաժեշտ է բոլորին․ մտքում պատկերացրեք երկինք՝ պայծառ արևի սպասումով»։

Դե ինչ, պատրաստվեք թարմացնել զգեստապահարանը՝ 2021-ի խորհրդանշական գույների հանդերձանքով։

Աղբյուր՝ Vogue Russia