Հորմոններ, որոնք կարող են ազդել ձեր քաշի վրա

Հորմոնները մեծ դեր են խաղում մեր մարմնի աշխատանքի վրա, և նրանցից յուրաքանչյուրը պատասխանատու է կոնկրետ գործընթացի համար: Մինչ մեկը մեզ ստիպում է սով զգալ, մյուսը ճիշտ հակառակն է անում:

Գրելինը այն հորմոնն է, որ հիշեցնում է ձեզ, որ դուք սոված եք: Այն ազդանշան է ուղարկում ուղեղին, որ արդեն ուտելու ժամանակն է: Հետաքրքիրն այն է, որ կալորիականության նվազեցումը չի իջեցնում գրելինի արտադրությունը, և նույնիսկ 12 ամիս ցածր կալորիականությամբ դիետայով սնվելու դեպքում նրա մակարդակը դեռ մնում է բարձր: Դա է պատճառներից մեկը, թե ինչու ցածր կալորիականությամբ դիետաները երկարաժամկետ արդյունավետություն չունեն: Մեր մարմինը պարզապես չի կարողանում սովորել դրանց:
Լավ նորությունն այն է, որ ինտենսիվ կարդիո վարժությունները կարող են իջեցնել գրելինի մակարդակը:

Բարեբախտաբար մեր մարմինը նաև արտադրում է հորմոններ, որոնք ուղեղին հրահանգում են ավելի շատ կալորիաներ ծախսել և ավելի քիչ ուտել, որոնցից մեկն էլ լեպտինն է: Այն արտադրվում է ճարպային բջիջների կողմից, այսինքն ՝ ինչքան գեր է մարդը, այնքան շատ լեպտին ունի: Սակայն որոշակի կետից հետո մեր մարմինը դիմադրողականություն է ձեռք բերում լեպտինի նկատմամբ, որի դեպքում ուղեղն այլևս չի կարողանում կարդալ լեպտինի ազդանշանը:
Լուծումը պարզ է. հակաօքսիդիչներով հարուստ սնունդ, որը մեծացնում է լեպտինի նկատմամբ զգայունությունը: Իրականում կա հակաօքսիդիչներով հարուստ սննդամթերքի մեծ ցանկ, որի մեջ հաստատ կգտնեք ձեղ համար նախընտրելի ուտելիքներ: Քաշը կորցնելը նույն ազդեցությունն է ունենում, քանզի որքան ավելի շատ քաշ եք կորցնում, այնքան ավելի ուժեղանում է լեպտինի ազդեցությունը:

Ադրենալինն արտադրվում է այն ժամանակ, երբ մենք ունենում ենք շատ ուժեղ հույզեր, վախ կամ բարկություն:
Ըստ էության՝ այս հորմոնն արտադրվում է շատ առանձնահատուկ իրավիճակներում, երբ, օրինակ՝ մեր ուղեղը “ասում է” մեզ, որ պետք է պատրաստ լինենք արագ կամ ուժեղ լինելուն, որի շնորհիվ մեր մարմինը սկսում է օգտագործել պահպանված ճարպը էներգիայի համար: Այն նաև ազդում է մեր ախորժակի վրա, որպեսզի մեր մարմինը պատրաստ լինի արագ գործողությունների:
Այս հորմոնի մակարդակի բարձրացման լավագույն և առողջ միջոցը բարձր ինտենսիվությամբ վարժություններն են:

Աղբյուր՝ Brightside