Կարանտինի ընթացքում հայտնի աստղերի և թագավորական ընտանիքի անդամների աջակցությունը հանրությանը

Երևի թե չեք ժխտի, որ այժմ բոլորիս համար էլ ծանր և լարված ժամանակներ են, քանի որ գրեթե բոլորիս նպատակն է դարձել հաղթահարել Կորոնավիրուսը և անցնել մեր բնականոն կյանքին։

Ներկայացնենք շատերիս սիրելի հայտնի աստղերին ու թագավորական ընտանիքի անդամներին, որոնք փորձում են տարբեր տեսակի աջակցություններով մարդկանց լարված վիճակը մի փոքր ավելի թեթևացնել։

Քեմբրիջի դքսուհի

Քեմբրիջի դքսուհին իր դստեր՝ Արքայադուստր Շառլոտի հետ միասին սննդով լի փաթեթներ էր բաժանում Սանդրինգհեմում ապրող մարդկանց: Նկարներում երևում է, թե ինչպես է Արքայազն Ուիլյամի և Քեյթի դուստրը փաթեթները փոխանցում տարեց և խոցելի մարդկանց, ովքեր ապրում են իրենց ընտանիքի Նորֆոլքի տան մոտակայքում։

Արքայադուստր Եվգենյա

Յորքի Արքայադուստր Եվգենյան իր ընտանիքի կողմից Լոնդոնի Առողջապահության ազգային ծառայության բոլոր աշխատողներին բաժանել է տարբեր տեսակի նվիրատվություններ, ներառյալ անձնական խնամքի միջոցներ, քաղցրավենիք, մրգեր, բանջարեղեն և այլ տեսակի սնունդներ: Արքայադուստրին նաև միացել էր իր մայրը՝ Յորքի դքսուհին և նրա ամուսինը։

Մայլի Սայրուս

Երգչուհի և դերասանուհի Մայլի Սայրուսը ևս իր աջակցությունն է ցուցաբերել ընկերոջ՝ Քոդի Սիմփսոնի հետ։ Նրանք 120 համեղ տակո են պատրաստել և փոխանցել իրենց տեղական հիվանդանոց՝ շնորհակալություն հայտնելով առողջության պահպանման ոլորտի աշխատողներին, ովքեր բուժում են Կորոնավիրուսով վարակված հիվանդներին։

Յորքի դքսուհի

Յորքի դքսուհին նույնպես փորձում էր աջակցել մարդկանց կարանտինի ընթացքում։ Սառան իր YouTube-ի ալիքում ամենօրյա անվճար ընթերցանություն էր իրականացնում երեխաներին ուրախացնելու, ինչպես նաև մեծահասակներին՝ կարանտինը ավելի թեթև անցկացնելու նպատակով: Իրականում, նրա տեսանյութերը այնքան են ողջունվել դիտորդների կողմից, որ նա այդ ժամանակից ի վեր ստեղծել է իր սեփական սոցիալական մեդիա ալիքը՝ @storytimewithfergieandfriends։

Աղբյուր՝ HelloMagazine