Հայուհի Հռիփսիմե Մաթևոսյանը Forbes-ի ցանկում

Ամերիկաբնակ հայուհի ձեռներեց Հռիփսիմե Մաթևոսյանն ընդգրկվել է Forbes ամսագրի կազմած 2019-ի՝ արդյունաբերական ոլորտում 30 երիտասարդ նորարարների ցուցակում: Հռիփսիմեն 27 տարեկան է, բնակվում է Նյու Յորքում:

Նա ավարտել է Երևանի պետական համալսարանն ու Մոսկվայի ֆիզիկատեխնիկական ինստիտուտը։ Մաթևոսյանը ղեկավարում է «Swiftera» ընկերությունը՝ միաժամանակ հանդիսանալով դրա հիմնադիրներից մեկը:

Այս ընկերությունը զբաղվում է բարձրությունից արվող տեսանկարահանումներով, ընդ որում, դա արվում է այնպիսի բարձրությունից, որը գերազանցում է դրոնի հնարավորությունները: Այս տեսանկարահանումներից ստացված տվյալներն այնուհետև վաճառվում են ճարտարապետներին, քաղաքային իշխանություններին և այլ պատվիրատուներին: