Կոսմետիկ հնարքներ անթերի տեսք ունենալու համար

Ամեն շաբաթ ինստագրամ սոցիալական հարթակում հայտնվում են գեղեցկության նոր միտումներ։ Որոշները երկար ժամանակ մնում են լավագույն տասնյակում, իսկ մյուսները մոռացվում են արդեն մի քանի շաբաթ անց։ Սակայն ինչպես գիտեք, չկա ավելի լավ բան, քան «հավերժ դասականն» է։ Մեր նյութում ձեզ ենք ներկայացնում, թե գեղեցկության ո՞ր միջոցներն են մնացել ակտուալ նույնիսկ 10 տարի անց։

Կատարյալ տոն

Անկախ այն բանից, թե որքան գեղեցիկ են քսված ձեր աչքերը, դեմքի տոնը պետք է լինի անթերի: Զարմանալի չէ, որ վերջին ժամանակներս այսպես կոչված «դիմահարդարումն առանց դիմահարդարման» շատ մեծ համակրանք է վայելում։ Չկա ավելի լավ բան, քան թարմ և հանգստացած դեմքն է։ Եվ տոնային քսուքը կօգնի այս հարցում։ Ճիշտ երանգ ընտրելու համար բնական լույսի ներքո քսե՛ք տոնային քսուքը դնչային հատվածի գծին և տեսե՛ք՝ այն համապատասխան է ձեզ, թե ոչ։

Սլաքներ

Սլաքները հաղթական տարբերակ են և երբեք դուրս չեն գալիս նորաձևությունից։ Կախված ձևից, գույնից և պայծառությունից՝ յուրաքանչյուր տեսքի, կերպարի և ձևի հետ շատ գեղեցիկ կնայվեն։ Ոչ այնքան մեծ նուրբ գիծը կդարձնի տեսքը ավելի հավաքված և առավոտյան դիմահարդարման հետ շատ գեղեցիկ կնայվի։ Գրաֆիկական գծերը հայացքը կդարձնեն ավելի արտահայտիչ և հիանալի լրացում կլինեն երեկոյան կերպարին։

Մգացված աչքերի դիմահարդարում

Նորաձևության ոչ մի ցուցադրություն նախկին և ապագա սեզոնների առանց մգացված աչքերի չի անցնում։ Հենց այս տեխնիկայի շնորհիվ ձեր հայացքը կդառնա ավելի առեղծվածային և սեքսուալ։

Կարմրաներկ

Շատ աղջիկներ անտեսում են այտաներկերը և նախընտրում են կոնտուրինգ, բայց շատ իզուր։ Օգտագործե՛ք դեղձի գույն ունեցող կարմրաներկեր. դրանք բոլորի վրա շատ գեղեցիկ են նայվում և թարմացնում են կերպարը։

Արտահայտիչ թարթիչներ

Կարելի է դիմել գեղեցկության սրահների օգնությանը, կարող եք կատարել թարթիչների լամինացում, և նաև կարելի է օգտագոծել ձեր սիրելի սևաներկը։ Օրվա ընթացքում այն կարող է լինել շագանակագույն, իսկ երեկոյան՝ ածխային սև։ Բացի այդ, ծավալուն և փափուկ թարթիչները կփոխարինեն աչքի ամբողջական դիմահարդարմանը։