Լուսինեն անզուգական է իր նոր կարգավիճակում. նա երկրորդ բալիկին է սպասում (ֆոտո)

Հայտնի մոդել, «Միսս Հայաստան 2003» և հաղորդավարուհի Լուսինե Թովմասյանը իր ինստագրամյան էջում նշել է, որ սպասում  է երկրորդ երեխային: Լուսինեն գրառում է կատարել՝ նշելով. «Ու կապ չունի, որ երկրորդ հղիությունն է, մեկա անհավատալի ա»։

Լուսինե Թովմասյանը լուրը հայտնելուց հետո հրապարակել է լուսանկար, որտեղ պարզ երևում է կլոր փորիկը։ Նա նաև իր լուսանկարներից մեկի գրառման մեջ նշել է. «Անհամբեր, սրտատրոփ սպասումներով մեր երկրորդ հրաշքին»։ Բոլոր լուսանկարների հեղինակը լուսանկարիչ Պարգև Այդինյանն է։

Լուրը իմանալուց հետո, Լուսինեի երկրպագուները բազմաթիվ շնորհավորանքներ և բարեմաղթանքներ են հղել գեղեցկուհուն։

Հիշեցնենք, որ գեղեցկուհի Լուսինեի դուստրը՝ Արիանան, 4 տարեկան է։ Միսս Հայաստանը շատ հաճախ է լուսանկարկներ և տեսանյութեր հրապարակում իր ընտանեկան միջավայրից։ Լուսինեն հասցնում է և՛ զբաղվել իր կարիերայով, և՛ հոգ տանել Արիանայի մասին։