Ինչպես հասկանալ, որ իսկապես սիրահարված եք

Հարաբերությունների սկզբնական փուլերը, որպես կանոն, չափազանց շփոթեցնող են լինում: Եվ շատ հաճախ մենք դժվարանում ենք վերծանել մեր սեփական զգացմունքները՝ հասկանալու համար արդյոք իսկապես սիրահարված ենք, թե դա պարզապես ժամանակավոր հրապուրանք է։

Ստորև ներկայացվող հարցերը կօգնեն հասկանալ ձեր զգացմունքները և կողմնորոշվել հետագա քայլերի հարցում:

Դուք նոր սովորություննե՞ր եք ձեռք բերել:

Երբ մարդիկ սիրահարվում են, նրանք սկսում են մեծ ուշադրություն դարձնել զուգընկերոջ նախասիրություններին՝ գտնելով նոր զբաղմունքներ, որոնցով նախկինում երբեք չեն զբաղվել:

Վերջին շրջանում սթրեսի ենթարկվե՞լ եք:  

Որքան էլ սիրահարվելը դրական երևույթ է, այնուամենայնիվ, բազմաթիվ ուսումնասիրություններ ապացուցում են, որ սիրահարվածության արդյունքում  սթրեսի հորմոնի՝ կորտիզոլի մակարդակն օրգանիզմում բարձր է լինում:

Ձեր զգացմունքները փոխադա՞րձ են։

Սիրահարված կանայք հիմնականում ցանկանում են, որ իրենց զգացմունքները փոխադարձ լինեն:

Հաճա՞խ եք սիրահարվում։

Շատ ուսումնասիրություններ ցույց են տալիս, որ տղամարդիկ ավելի հաճախ են սիրահարվում, քան կանայք։

Դուք հակվա՞ծ եք ասելու՝ «Ես սիրում եմ քեզ»:

Շատերը սխալմամբ կարծում են, որ կանայք առաջինն են ասում այս խոսքերը: Սակայն հետազոտությունները ցույց են տալիս, որ տղամարդիկ ավելի շատ են հակված առաջինն ասելու «Ես սիրում եմ քեզ»։ Նրանք նաև հակված են ավելի արագ սիրահարվելու:

Աղբյուր՝ psychologytoday.com