Ինչպե՞ս և ի՞նչ նյութերով լվանալ սպասքը. լավագույն միջոցները

Բազմաթիվ տնային տնտեսուհիների համար ափսեներ լվանալը դյուրին գործ չէ։ Սակայն ստորև ներկայացվող միջոցները և խորամանկությունները կօգնեն ձեզ արագ և արդյունավետ լուծել այս խնդիրը։

Սպասք լվացող միջոցներ

Եթե ձեր ընտրած սպասք լվացող միջոցն իսկապես լավն է, ապա այն պետք է հեռացնի յուղն անգամ սառը ջրով և չչորացնի ձեռքերի մաշկը։ Մաքրող միջոցներ ընտրելիս ուշադրություն դարձրեք նաև հոտին. այն չպետք է որևէ ալերգիկ ռեակցիա առաջացնի:

Ինչպե՞ս լվանալ բյուրեղապակյա սպասքը

Բյուրեղապակյա սպասքի խնամքն, իրանականում, ժամանակատար է: Այն լվանալու համար հարկավոր է միայն տաք ջուր օգտագործել՝ 35 աստիճանից ոչ բարձր: Եթե ցանկանում եք, որ ձեր բյուրեղապակյա սպասքը փայլի, ապա օգտագործեք հետևյալ մեթոդները.

  • Նախապես թրջեք այն սպասք լվացող նյութերով

Տեղադրեք սպասքը ջրի մեջ՝ ավելացնելով մի քանի կաթիլ լվացող միջոց և թողեք այդպես մի քանի ժամ։ Այնուհետև մաքրեք ափսեները փափուկ ատամի խոզանակով և լվացեք քացախով, ամոնիակով կամ կիտրոնաթթվով:

  • Քացախի և աղի լուծույթ

Պատրաստեք լուծույթ՝ օգտագործելով մեկ լիտր ջուր, մեկ ճաշի գդալ քացախ և կես գդալ աղ: Լվացեք սպասքն այդ լուծույթով, ապա մաքրեք և չորացրեք այն։

  • Սոդա

Մի քանի ժամով սպասքը թողեք սոդայաջրի մեջ: Այն կօգնի ազատվել գինու և հյութի հետքերից:

Ինչպե՞ս լվանալ ապակյա սպասքը

Ժամանակակից սպասք լվացող մեքենաները հատուկ ռեժիմ ունեն ապակյա սպասքը լվանալու համար։ Սակայն եթե սպասք լվացող մեքենա չունեք, ապա կարող եք դիմել հետևյալ նյութերի օգնությանը:

  • Մանանեխի փոշի

Ջրին մանանեխի փոշի ավելացրեք և սպասքը 5 րոպեով թողեք ջրի մեջ: Այնուհետև մաքրեք այն խոնավ սպունգով և մաքուր ջրով։

  • Ամոնիակ

Հեղուկ ամոնիակը կօգնի ազատվել անցանկալի հետքերից: Մեկ լիտր ջրին կարող եք մեկ գդալ ամոնիակ ավելացնել, թրջել սպասքն այդ լուծույթի մեջ, ապա լվանալ մաքուր ջրով:

Աղբյուր՝ cosmo.ru