Բանանով Ռուլետ 15 Րոպեում
Գուցե չհավատաք Ձեր աչքերին, բայց այս հրաշալի ռուլետն իսկապես կարելի է պատրաստել 15 րոպեում, գրում է«vkusno» պարբերականը։
Նախապատրաստման ժամանակը `5 րոպե
Պատրաստելուժամանակը `10 րոպե
Բաղադրիչներ
4 ձու
70 գր. շաքար
Ըստ ճաշակի վանիլին
90 գր. ալյուր
2 թ.գ. կարագ
2 թ.գ. մեղր
50 գր.սերուցք
1 բանան
Պատրաստման եղանակը
Ձուն ևշաքարավազը հարել մինչև միասեռ զանգված դառնալը: Ընթացքում աստիճանաբար ավելացնել ալյուր` չդադարելով խառնել:
Ավելացնել կարագ և մեղր։ Անհրաժեշտ է անընդհատ խառնել, քանի որ խմորը պետք է միասեռ դառնա։ Ջեռոցը տաքացնել մինչև 180 ° C: Թխելու գործընթացը չպետք է գերազանցի 10-15 րոպեն: Թխելուց հետո խմորը մի քիչ սառեցնել, այնուհետև վրան քսել սերուցք։
Մաքրած բանանը դնել խմորի վրա և փաթաթել այն ռուլետի տեսքով:Կարելի է վրան շաքարի փոշի ցանել:
