Աշխարհի 10 ամենահզոր կանայք` ըստ Forbes ամսագրի

Forbes ամսագիրը հրապարակել է աշխարհի ամենահզոր կանանց ցուցակը։ Ձեզ ենք ներկայացնում առաջին տասնյակը։ Ահա այն ամենն, ինչ պետք է իմանալ նրանց մասին։

  1. Ջինի Ռոմետի

Վիրջինիա Մարի Ռոմետին ամերիկյան IBM (International Business Machines) ընկերության նախագահն է և գործադիր տնօրենը։ Նա այս պաշտոնը զբաղեցնում է 2011թ․ սկսած և առաջին կինն է, որը ղեկավարում է ընկերությունը։ Նա հայտնվել է այս ցուցակում 2014թ-ից։

  1. Անա Պատրիսիա Բոտին

Անա Պատրիսիա Բոտինը Santander Group-ի գործադիր տնօրենն է։ Նա եվրոգոտում խոշոր բանկ կառավարող առաջին կինն է, ով այդ պաշտոնը զբաղեցնում է 2014թ․-ից սկսած։ Մինչ այդ նա կառավարում էր Santander Uk-ը և 2013-ին ճանաչվեց այդ երկրի երրորդ ամենահզոր կինը։

  1. Քրիսթին Լագարդե

Քրիսթին Լագարդեն Արժույթի միջազգային հիմնադրամի գործադիր տնօրենն է։ Բոտինի և Ռոմետիի պես նա առաջին կինն է, որ ղեկավարում է այս կազմակերպությունը։ Քրիսթինն այս պաշտոնում նշանակվել է 2011-ին, իսկ նախկինում եղել է Baker & Mackenzie իրավաբանական ընկերության առաջին կին նախագահը։

  1. Աբիգայիլ Ջոնսոն

Աբիգայիլ Ջոնսոնը ամերիկյան Fidelity Investments ընկերության նախագահն է և գործադիր տնօրենը։ Ջոնսոնը լի է վճռականությամբ՝ պայքարելու իր կազմակերպության ներսում սեռական ոտնձգությունների դեմ։

  1. Սյուզան Վոյչիցկի

Սյուզան Վոյչիցկին 2014թ․սկսած YouTube կայքի գործադիր տնօրենն է։ Նա այս տարի յոթերորդ հորիզոնականից բարձրացել է վեցերորդ հորիզոնական։

  1. Մերի Բարա

Մերի Բարան America’s General Motors-ի գործադիր տնօրենն է։ 55-ամյա Մերին այս պաշտոնը զբաղեցնող առաջին կինն է և այս տարի միացել է նաև Դիսնեյին։

  1. Շերիլ Սանդբերգ

Facebook սոցիալական կայքի գործադիր տնօրեն Շերիլ Սանդբերգը աշխարհի ամենաազդեցիկ և ճանաչված կանանցից մեկն է։ Նա այս պաշտոնին է 2008թ․սկսած, երբ մի երեկույթի ժամանակ հանդիպեց Facebook-ի հիմնադիր Մարկ Ցուկերբերգին։ Սանդբերգը աշխատավայրում, ներգաղթի և առողջապահության ոլորտներում կանանց իրավունքների պաշտպան է։

  1. Մելինդա Գեյթս

Մելինդան իր ամուսնու հետ միասին ղեկավարում է Bill & Melinda Gates Foundation-ը, որտեղ նա համահիմնադիր և համանախագահ է։ 2017թ-ից Գեյթսը ամենաազդեցիկ բարերարների և սոցիալական ձեռներեցների ցուցակում զբաղեցնում է 12-րդ հորիզոնականը։ Ֆրանսիայի նախագահ Ֆրանսուա Օլանդը Մելինդային և իր ամուսնուն պարգևատրել է Պատվո լեգիոնի շքանշանով, որը Ֆրանսիայի բարձրագույն պարգևն է։

  1. Թերեզա Մեյ

Վարչապետ Թերեզա Մեյը այս ցուցակում փոխարինում է Հիլարի Քլինթոնին։ Քլինթոնն աշխարհի 100 ամենահզոր կանանց ցուցակի երկրորդ հորիզոնականից միանգամից իջել է 65-րդ հորիզոնական։

  1. Անգելա Մերկել

Անգելա Մերկելը Գերմանիայի կանցլերն է արդեն 12 տարի։ Վերընտրվելով իր պաշտոնում՝ նա այս ցուցակից դուրս գալու նշաններ չի ցուցաբերում։ Մերկելն այս ցուցակը գլխավորում է արդեն 11-րդ անգամ։