Անջելինա Ջոլիի լավագույն աֆորիզմները կյանքի, սիրո և գեղեցկության մասին

Անջելինա Ջոլին աշխարհի ամենագեղեցիկ կանանցից մեկն է։ Աշխարհահռչակ դերասանուհին հայտնի է իր բարեգործական գործունեությամբ Աֆրիկայում և Միջին Արևելքում։ Հավելենք, որ Անջելինան 6 երեխաների մայր է  և շարունակում է ոգեշնչել միլիոնավոր կանանց և աղջիկների լինել ավելի ինքավստահ և հավատալ սեփական ուժերին:

Ձեզ ենք ներկայացնում դերասանուհու լավագույն աֆորիզմները կյանքի, սիրո և գեղեցկության մասին:

1. Մարդիկ ունեն երկու կողմ՝ լավ և վատ, անցյալ և ապագա։ Մենք պետք է միավորենք այդ կողմերը այն մարդու մեջ, ում սիրում ենք։
2. Համարձակ որոշումներ կայացրու և սխալվիր։ Հենց այդ սխալներն են մեզ դարձնում այնպիսին, ինչպիսին մենք կանք։
3. Երբ քո ընտանիքն ունես, կյանքդ ամբողջովին փոխվում է։ Կարծում եմ, որ դա ամենազարմանալի բանն է, երբ կյանքդ նվիրում ես ուրիշին և որոշում կայացնելիս առաջին հերթին հենց նրան ես հաշվի առնում։ Դա պարզապես հրաշալի է:
4. Ինձ համար ամեն ինչ անիմաստ կլիներ, եթե ես իմ կյանքն ապրեի առանց ուրիշներին օգտակար լինելու:
5. Ես մահվան մասին ավելի հաճախ եմ մտածում, քան ուրիշները։ Կարծում եմ՝ դրա պատճառն այն է, որ ես շատ ավելի եմ սիրում կյանքը։
6. Ինձ միշտ թվացել է, որ ես մեծ շրթունքներով և մեջտեղից բացված մազերով հիմար տիկնիկի տեսք ունեմ: Ժամանակի ընթացքում դու հասկանում ես, որ հարկավոր է ընդունել ինքդ քեզ այնպիսին, ինչպիսին որ կաս: Իսկ հետո համբուրում ես քո սիրելիին և հասկանում, թե ինչի համար են անհրաժեշտ շրթունքները:
7. Ես ինձ գեղեցիկ չեմ համարում, քանի որ շատ թերություններ եմ տեսնում իմ մեջ։ Մարդիկ երբեմն շատ տարօրինակ կարծիքներ են հայտնում՝ ասելով, որ ես նիհար եմ, կարծես դա պետք է երջանկացնի ինձ։
8. Կյանքը շատ մարտահրավերներ է նետում մեզ։ Եվ մեզ չպետք է վախեցնեն այն դժվարությունները, որոնք մենք կարող ենք վերահսկել:
9. Խիզախ, համարձակ և ազատ եղիր:
10. Ես երբեք չեմ ապրել իմ կյանքը ուրիշների կարծիքը լսելու համար։ Ես գիտեմ, որ լավ մարդ եմ։ Ես գիտեմ, որ լավ մայր եմ։ Բայց դա իմ երեխաները պետք է որոշեն, այլ ոչ թե ողջ աշխարհը։
11. Մենք սիրում ենք ոչ թե այն պատճառով, որ վերջապես կատարյալ մարդու ենք հանդիպել, այլ այն պատճառով, որ սովորում ենք թերություններ ունեցող մարդուն կատարյալ տեսնել։