Աննա Վինտուրը սկսում է իր առաջին առցանց դասընթացը

Երբևէ ցանկացե՞լ եք սովորել նորաձևության կենդանի լեգենդ Աննա Վինտուրից: Եթե այո, ապա ձեզ համար լավ նորություն ունենք: Ամերիկյան Vogue ամսագրի գեղարվեստական ղեկավարը հայտարարել է իր առաջին առցանց դասընթացի մեկնարկի մասին՝ masterclass.com հարթակում:

«Այս դասընթացը նրանց համար է, ովքեր ցանկանում են հասկանալ իմ ոճը, հասկանալ այն փորձությունները, որոնք ինձ օգնել են հմուտ ղեկավար դառնալ», – պատմում է Վինտուրը: «Ես նախկինում երբեք առիթ չեմ ունեցել կիսվելու իմ փորձով որպես խմբագիր և գեղավերստական ղեկավար»:

Դասընթացի համար MasterClass-ի կողմից սահմանված 180 ԱՄՆ դոլարի չափով վճարն առաջին հայացքից կարող է շատ թվալ, քանի որ Վինտուրն, ըստ էության, հետադարձ կապ դասընթացի մասնակիցների հետ չի ունենալու և տեսանյութերի միջոցով «բացառիկ ուսումնական նյութեր» է ներկայացնելու: Սակայն հաշվի առնելով այն հանգամանքը, որ նա սոցիալական սանցերում անձնական էջեր չունի, որտեղ կկարողանար կիսվել իր մտքերով, այդ վճարը կարելի է արդարացված համարել և վստահություն հայտնել, որ դասընթացը կգտնի իր լսարանը:

Աղբյուր՝ fashionista.com