5 եղանակ աչքերի տակի սև շրջաններից ազատվելու համար

Ինչպես ասես դրանց չեն անվանում՝ փոսիկներ, կապտուկներ, այտուցներ: Դրանք կարող են առաջանալ տարբեր պատճառներով՝ գենետիկ գործոններից սկսած մինչև հորմոնալ խախտումներ կամ ուղղակի սովորական հոգնածություն և սթրես։ Մի բան ակնհայտ է՝ աչքերի տակի մուգ շրջանները մեզ չեն գեղեցկացնում։

Ամեն կին իր կյանքում գեթ մեկ անգամ կանգնում է այս խնդրի առաջ՝ սև շրջաններ և աչքի տակի այտուցներ։ Դրանցից ընդմիշտ և արագ ազատվել չի հաջողվի։ Սակայն ձեռքի տակ եղած այս միջոցները կարող են օգնել սև շրջաններն ավելի աննկատ դարձնել։

1. Խմե՛ք մեկ բաժակ մաքուր ջուր։ Իսկ ավելի լավ է՝ երկու։ Սև շրջանների հայտնվելու պատճառներից մեկը ջրազրկումն է։ Օրգանիզմը «երաշտից» փրկվելու համար ջուր է խնայում, և առաջին հերթին տուժում է աչքերի տակի հատվածը։ Դարձրե՛ք սա ձեր կանոնը՝ օրական խմեք 1,5լիտր մաքուր ջուր։
2. Սառցախցիկում պահե՛ք անանուխով և երիցուկով սառցե խորանարդիկներ։ Երկու բույսերն էլ շատ արագ ազդեցություն կունենան։ Գլխավորը չպետք է սառույցը 3 րոպեից ավելի պահել, որպեսզի չվնասեք աչքերի տակի նուրբ մաշկը և անոթները։
3. Եթե խորանարդիկներ չկան, կարող եք դրանք փոխարինել սառը գդալներով։ Գդալները մի քանի րոպե թողե՛ք սառցախցիկում, այնուհետև ուռուցիկ կողմով դրե՛ք խնդրահարույց հատվածում, մինչ գդալների տաքանալը։
4. Խնդիրը թաքցնելու հարցում կօգնի ձեր մաշկից մի քանի երանգ ավելի բաց գույնի կոնսիլերը։ Աչքի տակի նուրբ մաշկի համար ավելի լավ է ընտրել քսուք։ Կոնսիլերը պետք է քսել մատներով, թեթև շարժումներով՝ սկսելով ամենամուգ մասից։
5. Դիմահարդարումը ճիշտ շեշտադրե՛ք։ Ընդգծե՛ք վերին կոպերը սև մատիտով։ Դա կշեղի ուշադրությունը խնդրահարույց հատվածից և հայացքն արտահայտիչ կդարձնի։ Ստորին կոպի լորձային եզրագիծն ընդգծե՛ք պինդ մատիտով, այն հայացքին փայլ կհաղորդի, իսկ մուգ շրջաններն ավելի քիչ տեսանելի կդառնան։

Աղբյուր՝ Grazia